(طق يا مطرطق) كن الغيم يسمعنـا
اطفال لا سالت الغيمة.... نغنيهــا!!

ايام كان المطر لا صب يجمعنا
وان غيبوها دقايق رحت اناديها

ديمة يا ديمة ! تعالي العبي معنــا
وايدي من الشوق ما تنفك من ايديهـا

فجئة كبرنا ومن يقدر يرجعنا
لــ ايام ساعاتها تشبه ثوانيها

كان الشعر وقتها حديث شارعنا
واصبحت شاعر تحت ( رغبة امانيها )

حتى القصايد ليا مرت مسامعنا
اعذرب بيوتها واسب راعيها

تقول عطنى من اشعارك وسمعنا
واختار من نبضها في قلب غاليها

قصايد اتطل من شرفة مواجعنا
تموت الاحباب وتخلد اساميها

حنا من اول محطات العمر ضعنا
ياليتني كنت عارف ويش تاليها ؟؟

من علم الغيم عن قصة مدامعنا
من يوم غابت وانا ماني بناسيها

هذي هي بيوتنا هذي شوراعنا
مدينتي بس ديمة ما هي ابـ فيها

ولحين حتى المطر لا صب يوجعنا
امر في بالهـــا ويمــــــر طاريها !!

طق يا مطر طق حنا ما توادعنا
لي لــحين عندي امل يمكن الالقيها