وفر كلامك.. ولا تنشد عن اخباري..!
لو ما ني بخير، قلت بخير وافهمها..

نفسي عزيزة، وأظنك.. تعرف وداري..
والنفس ما تحشم الا من يحشمها..

وش فيك تطري، ولا احدٍ جابلك طاري..؟
ذكراك هِدت، ولا ينفع ترممها..

الود، شي اختياري، ماهو اجباري..
ولاهوب ارضٍ على كيفي أقسمها..

لو ما ألبس الثوب، اشوف ان وقفتي عاري..!
ابرك من اني اذل النفس، وألجمها..

ما هابت الروح غير الخالق الباري..
ولا فيه غير أمي انسانة، اعظمها..

ماني من الي يقول الشعر، ويماري..
لكن وجيهٍ تبي توسمني، اوسمها..

صدق النوايا مطايا.. لكارك، وكاري..
وسود النوايا، عسى ربي يبلمها..

أكرّم الضيف، وأفرح، من فرح جاري..
والطيب والمرجلة، صعبة تعلمها..


وإن جبت طاري، فانا ما جبت لك طاري..
و لو كنت تفهم، من أول كان تفهمها..

يعطيك العافية

يعافيك
يسلمو على الرد